Dhalimu

Mungu nakushitakia, mja wako madhulumu
Sina pa kuelekea, ila kwako ya karimu
Nguvu zishaniishia, taabani mahmumu
Yarabi nisaidia, londoke hili dhalimu

Yarabi nisaidia, londoke hili dhalimu
Lipotee baidia, linisahau dawamu
Likitaka nirudia, ulipofuwe uyunu
Likome kunidamia, na kunyonya yangu damu

Likome kunidamia, na kunyonya yangu damu
Mjao nateketea, kwa dude hili dhalimu
Hadhi yangu ‘shapotea, siyo tena ya kadimu
Rabi lipoteze njia, lileweshe kwa naumu

Rabi lipoteze njia, ulilevye kwa naumu
Macho siweze fumbua, lishindwe kunihujumu
Nipate jitutumua, kujenga yangu kaumu
Na mbele kuendelea, bila ya lolo dhalimu

Hamad Hamad
25 Aprili 2011
Copenhagen

About Zanzibar Daima 1699 Articles
Zanzibar Daima, Jana, Leo na Kesho

2 Comments

  1. Sikia wangu Hamadi, Yasini ni dawa kweli
    Ila ubio uzidi, ndo iwe makubuli
    Itoe hiyo baridi, umshindilie mbali
    Vinginevyo ‘takuzidi, adui dhalimu hili

    • Talishinda talishinda, ya abu ahmadi
      Lishanza avya midenda, nilionavyo limaji
      Lashindwa tu kusarenda, lijifanyavyo kaidi
      Langu kukaza ubinda, na kuongeza sipidi.

Leave a Reply

This site uses Akismet to reduce spam. Learn how your comment data is processed.