Kama Nini Maanaye

Mtu ameulizia, maana ya KAMA NINI
Mimi kwanza namwambia, lugha sio yake fani
Mana angelitambua, maana ya kama nini
Kama nini maanaye mithiliye huioni

Ukisema yu aavyaa, yu avyaa kama nini
Maana anavyovaa, mfanowe huuoni
Toto anazitotoa, nyingi zisizo kifani
Kama nini maanaye, mithiliye huioni

Mfano watu wa Kae, kanikaza kama nini
Maana ampendae, mithiliye huioni
Anampenda tujuwe, mwenginewe hatamani
Kama nini maanaye, mithiliye huioni

Hapo mtaposikia, kuna kura ya maoni
Basi msijekosea, muwe wengi kama nini
Muwe wengi kama nini, yetu yaende usoni
Kama nini maanye, mithiliye huioni

Nadhani atatambua, maana ya kama nini
Tamati ninafikia, naondoka darasani
Somo nimempatia, mifano imesheheni
Kama nini maanaye, mithilite huioni

Hapa tena sitaraji, mbele mimi kusogea
Naondoka Sir Haji, kwengine naelekea
Kitu ninachotaraji, jawabu imetulia
Kama nini maanaye, mithiliye huioni

Mzee Haji (Sir Haji)
24 Novemba 2011

About Zanzibar Daima 1700 Articles
Zanzibar Daima, Jana, Leo na Kesho

Be the first to comment

Leave a Reply

This site uses Akismet to reduce spam. Learn how your comment data is processed.