WANANCHI SHANGANI WALALAMIKIA ZIMAMOTO KWA KUCHELEWA KUFIKA KWENYE AJALI

Na Hamed Mazrouy

Nyumba ikionekana yenye kuwaka moto maeneo ya ndani huko shangani
Nyumba ikionekana yenye kuwaka moto maeneo ya ndani huko shangani

Wananchi  wa Shangani Lebanon wilaya ya Mjini  Unguja walalamikia  kikosi cha zima moto Zanzibar kwa kuchelewa kwao  kufika katika eneo ambalo nyumba moja imeunguwa moto na kusababisha uharibifu wa mali kadhaa ndani ya nyumba hio.

Kwa mujibu wa watu waliofika mwanzo na kushuhudia tukio hilo likiwa ndio kwanza linaanza   wameiambia Zanzubardaima kuwa kutokea kwa moto huo kumesababishwa  na hitilafu ya umeme ilitotokea ndani ya nyumba hio  katika ghorofa ya pili.

Watu hao wamesema kuwa kupata kwao ya tukio hilo kumekuja kutokana na wakaaazi wa nyumba hio kupiga kelele wakiomba kupatiwa msaada kutoka kwa  wasamaria wema ili waweze kuuzima moto huo ambao ulikuwa unawaka kwa kasi kubwa, nao waliweza kufanikiwa kwa kushirikiana na Polisi Jamii na badae walipata nguvu zaidi kutoka kwa kikosi cha zima moto waliofika hapo.

Aidha wamesema kuwa moto uliotokea ndani ya nyumba hio   umeharibu vitu kadhaa ndani ya nyumba hio vikiwemo nguo,kuta za nyumba hio  na baadhi ya vitu vyengine ambavyo mpaka sasa haijajuulikana ni hasara ya kiasi gani.

Wananchi mbali mbali wakiwa kwenye harakati za kujaribu kuuzima mto kabla ya kuja kwa kikosi cha faya
Wananchi mbali mbali wakiwa kwenye harakati za kujaribu kuuzima mto kabla ya kuja kwa kikosi cha faya

Kwa upande wao maafisa wa kikosi cha zima moto waliofika hapo wamesema kuwa wao hawakuchelewa kufika hapo isipokuwa kutokana na tukio hilo kutokea katikati ya majumba pahala ambapo kuna ugumu wa kupita gari ni moja ya mambo yaliosababisha kuchelewa kuzimwa kwa moto huo,lakini pia walifanikiwa kuzuia moto huo kuendelea zaidi.

Gari la kikosi cha zima moto likijaribu kutafuta njia ili kupata urahisi wa kuwa karibu na tukio
Gari la kikosi cha zima moto likijaribu kutafuta njia ili kupata urahisi wa kuwa karibu na tukio
About Zanzibar Daima 1606 Articles
Zanzibar Daima, Jana, Leo na Kesho

Be the first to comment

Leave a Reply

This site uses Akismet to reduce spam. Learn how your comment data is processed.