BALOZ SEIF AMEWATAKA WATALAMU SECTA YA MAJI KUWA NA UTARATIBU MAALUMU

Imewekwa na Mhammed Khamis

 Mlezi wa Mkoa wa Singida Kichama Mjumbe wa Kamati Kuu ya CCM Balozi Seif Ali Iddi akiweka jiwe la msingi la Saccos ya Kijiji cha Mkinya Mkoani Singida alipofanya ziara ya kukagua utekelezaji wa Ilani ya CCM Mkoani humo.
Mlezi wa Mkoa wa Singida Kichama Mjumbe wa Kamati Kuu ya CCM Balozi Seif Ali Iddi akiweka jiwe la msingi la Saccos ya Kijiji cha Mkinya Mkoani Singida alipofanya ziara ya kukagua utekelezaji wa Ilani ya CCM Mkoani humo.

Makamu wa Pili wa Rais wa Zanzibar Balozi Seif Ali Iddi amewakumbusha Wataalamu wa Sekta za Maji na Mazingira Nchini kuwa na utaratibu maalum utakaoiwezesha Jamii kupata elimu juu ya utunzaji wa Vianzio vya maji sambamba na utunzaji wa mazingira.

Balozi Seif alitoa kauli hiyo  wakati  akiukagua Ujenzi wa Mradi mkubwa wa Maji safi na salama uliopo ndani ya Manispaa ya Mji wa Singida ambao unatarajiwa kutoa huduma katika Mji huo na Vitongoji vyake.

Makamu wa Pili wa Rais wa Zanzibar Balozi Seif ambae  pia ni Mjumbe wa Kamati Kuu ya Halmashauri Kuu ya Taifa ya CCM  na mlezi wa Mkoa wa Singida Kichama alikuwa Mkoani humo kwa  ziara ya siku mbili kufuatilia utekelezaji wa Ilani ya Uchaguzi wa CCM unaofanywa na Serikali.

Alisema Serikali zote mbili zimekuwa zikiimarisha miundo mbinu ya upatikanaji wa Huduma za Maji safi Mijini na Vijijini lakini  mipango hiyo wakati mwengine huonekana kupungua utekelezaji wake kutokana na uchafuzi wa vianzio vya maji na mazingira unaofanywa na baadhi ya watu kutokana na ufinyu wa Elimu na kisingizio cha ukali wa maisha.

Balozi Seif alifahamisha kwamba wataalamu hao wana kazi ya ziada katika kuhakikisha matatizo hayo yanapungua au kuondoshwa kabisa ili ile azma ya Serikali zote mbili  ya Mauungano wa Tanzania na Ile ya Mapinduzi ya  Zanzibar kuhusu upatikanaji wa Maji safi  inatekelezwa kupitia  Ilani ya uchaguzi ya CCM ya mwaka

Mkuu wa Skuli ya Sekondari ya Mkinya Mkoani Singida Nd. Jonson  Kilinga akimuelezea Mlezi wa Mkoa wa Singida Kichama Balozi Seif hatua zilizofikiwa za ujenzi wa jengo la Mabara la Skuli hiyo mara baada ya kuweka jiwe la msingi.
Mkuu wa Skuli ya Sekondari ya Mkinya Mkoani Singida Nd. Jonson Kilinga akimuelezea Mlezi wa Mkoa wa Singida Kichama Balozi Seif hatua zilizofikiwa za ujenzi wa jengo la Mabara la Skuli hiyo mara baada ya kuweka jiwe la msingi.

2010/2015.

“ Ilani ya Uchaguzi ya CCM ya Mwaka 2010 / 2015 imezielekeza Serikali zote mbili  kuendeleza program ya maendeleo ya Sekta ya Maji  kwa kuongeza upatikanaji wa huduma ya maji safi kufikia Asilimia 65 Vijijini na asilimi 75 Mijini kwa upande wa Bara wakati asilimia 75 Mijini na asilimia 60 kwa upande wa Zanzibar ifikapo mwaka 2015”. Alifafanua  Balozi Seif.

Mapema Mkurugenzi Mtendaji wa Mamlaka ya Maji Safi Mkoani Singida  Mhandisi Issac Nyankonji alimueleza Balozi Seif kwamba mradi huo mkubwa ulioanza ujenzi wake mwaka 2009 unatarajiwa kukamilika rasmi ifikapo Mwezi Aprili Mwaka huu wa 2013.

Mhandishi Nyankonji alifahamisha kwamba huduma za maji safi na salama ndani ya Mkoa wa Singida zitaondoka kabisa kwa vile mradi huo utakuwa na uwezo wa kuzalisha lita Milioni Tatu kwa siku kiasi ambaco kitakidhi kabisa mahitaji ya Wananchi wa eneo hilo.

Mkurugenzi huyo wa Mamlaka ya Maji safi na salama Mkoani Singida kupitia Makamu wa Pili wa Rais wa Zanzibar aliwanasihi na kuwaomba wananchi kuchangia huduma za Maji kwa kuwa itapatikana kwa uhakika ili mradi huo uweze kujiendesha na kurejesha imani ya wafadhili waliojitolea kusaidia kufanikisha mipango ya maendeleo Nchini.

Mradi wa Maji safi na salama Mkoani Singida umegharimu jumla ya Dola za Kimarekani Milioni kumi na Laki Tisa { U$ 10,900,000 } sawa na Shilingi za Kitanzania Milioni thalathini na Tano { 35,000,000/- }

.

Katika ziara hiyo Makamu wa Pili wa Rais wa Zanzibar alipata fursa ya kuweka jiwe la Msingi la Jengo la Maabara ya Skuli ya Sekondari ya Makinya, akaweka Jiwe la Msingi la Msikiti wa Ijumaa Dung’unyi pamoja na kuweka Jiwe la msingi la Ushirika wa Saccos ya Mkinya zote zilizomo ndani ya  Wilaya ya Dung’unyi.

Katika kuunga mkono juhudi za Wananchi hao Balozi Seif akiwa Mlezi wa Mkoa huo Kichama amechangia Shilingi 500,000/- kuendeleza  Ushirika wa Saccos ya Mkinya , Shilingi 500,000, Vyakula na Mikoba kwa ajili ya kusaidia  wanafunzi wa Skuli ya Sekondari ya Mkinya na Kuahidi kutoa mchango wa Shilingi Milioni tatu { 3,000,000/- } kusaidia uendelezaji wa  ujenzi wa Msikiti Mkuu wa  Ijumaa wa Dung’unyi.

 

 

Othman Khamis Ame

Ofisi ya Makamu wa Pili wa Rais wa Zanzibar

5/2/2013.

About Zanzibar Daima 1699 Articles
Zanzibar Daima, Jana, Leo na Kesho

Be the first to comment

Leave a Reply

This site uses Akismet to reduce spam. Learn how your comment data is processed.