Wana waniwana

Najisikia furaha, kuwa nawanwa ni wana
Nyumbani ninapongia, kelele ‘kapigishana
Wakaanza salimia, kwa salam ziso jina
Ila huwa naridhia, kuona miye nawanwa

Wana waniwaniapo, wakaanza pakatana
Wakakaa nikaapo, nyajihi kutazamana
Tukafanya vichekesho, vya baba na wake wana
Hapo ndipo nipendapo, kuwa nawanwa ni wana

Waniwania kwa hamu, kwa pamoja himahima
Hawataki panga zamu, wakawa wapokezana
Kwa misingi ya nidhamu, wawana tukawanana
Na mapenzi yakadumu, baba kuwanwa ni wana

Hamad Hamad
5 Septemba 2013
Zanzibar

About Zanzibar Daima 1700 Articles
Zanzibar Daima, Jana, Leo na Kesho

Be the first to comment

Leave a Reply