Milango Yako Yaa Rabbi

Ya Rabbi nifungulia, milango yako nipite
N’ende unakokujua, siri na jahari zake
Lengo langu walijua, niauni nilipate
Ikiwa kuna ubaya, niepusha un’epuke

Kita’chokuwa cha kheri, kifupi ukirefushe
Kama kuwa ni kizuri, kigumu kilainishe
Kipe tamu ya sukari, kifanye kisinichoshe
Niwe nacho kwa dahari, moyoni kipendezeshe

Hamad Hamad
28 Januari 2014
Zanzibar

About Zanzibar Daima 1696 Articles
Zanzibar Daima, Jana, Leo na Kesho

Be the first to comment

Leave a Reply