Yatwawa

Yatwawa nchi yatwawa, waichukua wenyewe
Yatwawa mbele kifuwa, kwa shangwe na kwa mayowe
Wenyewe waichukuwa, wainyakuwa ja mwewe
Na kwao yasubiriwa, yende ikapokelewe

Naiona yatwaliwa, ni wana vindakindaki
Benderaye yapepea, yendavye jitamalaki
Wako wanaochukiwa, hili wao hawataki
Ni lipi wataamua, watakuja watabaki?

Hamad Hamad
4 Machi 2014
Dodoma

About Zanzibar Daima 1699 Articles
Zanzibar Daima, Jana, Leo na Kesho

1 Comment

  1. Lau yatwawa itwawe, watawa wakiwa wao
    Wakiwa ndiwo wenyewe, nchi yao watwaao
    Naiwe hivyo naiwe, wasiwe ni wangineo
    Watwae watwani wao, na wala wasizuwiwe.

Leave a Reply

This site uses Akismet to reduce spam. Learn how your comment data is processed.