News Ticker

Kifua Mbele


Kifua chetu ki mbele, twatembea na kuringa
Kifua hakina pele, chang’ara amba upanga
Kifua hiki ki mbele, kina uzio na kinga
Hata kilenge mshale, haudungi utadunda

Kifua twakitanua, kwa madaha na kuringa
Kifua cha kishujaa, kilichovunja upanga
Kifua chatandawaa, wakikimbia wajinga
Wasema hwepataona, kifua chenye mashina

Kifua ni kile kile, mbili tano kilounga
Kifua kimaumbile, mbili nane tukijenga
Kifua chaenda mbele, kila siku ikisonga
Kifua mbele kwa mbele, wacha wapige kelele

Kifua chetu murua, twashangaa mwakipinga
Kifua mwakitofoa, kwa marungu na mapanga
Kifua kichatulia, hakiumi kina kinga
Bure nguvu mwaziua, kifua kimejijenga

Kifua tembea mbele, ‘siogopee mzinga
Kifua we’ songa mbele, u mgumu ja mkonga
Kifua u mule mule, wache wapige kipenga
Usishituke na wale, akili walozirenga

Amour Hadji
Haile Selassie School
Zanzibar
5 Februari 2016

About Zanzibar Daima (1476 Articles)
Zanzibar Daima, Jana, Leo na Kesho

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s