News Ticker

Maalim Seif, Mchungaji Gwajima wamkalia kitako Lipumba

Tangu mwaka jana imekuwa kwenye mgogoro wa kiuongozi baada ya mwenyekiti aliyejiuzulu wadhifa wake, Profesa Ibrahim Lipumba, kuamua kujirejesha kwenye nafasi hiyo kwa njia ambazo CUF inasema ni kinyume na sheria na katiba.


Katibu Mkuu wa Chama cha Wananchi (CUF), Maalim Seif Sharif Hamad, leo amekutana na mkuu wa Kanisa la Ufufuo na Uzima, Mchungaji Josephat Gwajima, katika kile walichokielezea kuwa kikao cha kuujadili mgogoro wa kiuongozi ndani ya CUF.

Baada ya mazungumzo yao yaliyochukuwa masaa yapatayo matatu, viongozi hao walizungumza na waandishi wa habari, ambapo Mchungaji Gwajima alisema amefurahi kupata nafasi ya “kukijuwa kinachoendelea ndani ya CUF kwa sasa” na kwamba atatafakari kile ambacho anaweza kusaidia.

“Nilikuwa nasikia tu kuwa kuna mambo yanaendelea ndani ya CUF, nikasikia Profesa Lipumba (mwenyekiti wa zamani wa chama hicho) anafanya hivi mara vile. Lakini sasa nimesikia kutoka kwa rafiki yangu (Maalim Seif),” amesema Mchungaji Gwajima.

Kwa upande wake, Maalim Seif alisema kuwa wamekaa na Mchungaji Gwajima na kila mmoja kumuelezea mwenzake anachokielewa na “sasa Mchungaji Gwajima atapata muda wa ku-digest (kufikiria) na kuona anachoweza kukifanya.”

Tangu mwaka jana, CUF imekumbwa na mzozo mkubwa wa kiuongozi baada ya mwenyekiti aliyejiuzulu wadhifa wake karibuni na uchaguzi mkuu wa 2015, Profesa Ibrahim Lipumba, kuamua kujirejesha kwenye nafasi hiyo kwa njia ambazo CUF inasema ni kinyume na sheria na katiba ya Chama chao, lakini akiwa anaungwa mkono na Msajili wa Vyama vya Siasa, Jaji Francis Mutungi, na vyombo vya dola.

About Zanzibar Daima (1474 Articles)
Zanzibar Daima, Jana, Leo na Kesho

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s