News Ticker

Uingereza yashambuliwa tena


Asubuhi ya leo imeamka na salamu za rambirambi, vilio na majonzi nchini Uingereza, kufuatia vifo vya watu 22 waliouawa kwenye mashambulizi ya kujitoa muhanga usiku katika uwanja wa michezo wa Manchester Arena. 

Mashambulizi hayo yaliyowajeruhi pia watu wengine 59 yanatajwa kufanywa na mshambuliaji aliyejifunga mabomu na kujiripua na kufa pamoja na wahanga hao uwanjani hapo, kwa mujibu wa Idara ya Polisi ya Greater Manchester (GMP). 

Hayo ni mashambulizi mabaya kabisa kuwahi kutokezea ndani ya ardhi ya Uingereza tangu yale ya Julai 7, 2015 ambayo yaliangamiza maisha ya watu 56.

Akizungumza asubuhi ya leo (Mei 23), Mkuu wa Polisi wa GMP, Ian Hopkins, alisema tukio hili “la kuogofya kabisa kuwahi kuukabili” mji huo. 

“Wanafamilia na vijana wengi walikuwa wamekwenda kuburudika na onesho la muziki kwenye Manchester Arena na sasa wamepoteza maisha yao. Tunawalilia marehemu wetu 22 tunaojuwa kuwa wameshatutoka, watu 59 waliojeruhiwa na tunaomboleza pamoja na wapendwa wao. Tunafanya kila tuwezalo kuwasaidia. Majeruhi wanatibiwa kwenye hospitali mbalimbali za Manchester”, amesema Hopkins. 

About Zanzibar Daima (1502 Articles)
Zanzibar Daima, Jana, Leo na Kesho

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s